Ina delegaziun da 9 persunas dal cussegl grond da l'Appenzell dador vegn mardi, ils 10 da favrer 2009 a far ina visita a las collegas ed als collegas dal Grischun a Cuira, e quai durant la sessiun da favrer. La delegaziun da l'Appenzell dador vegn manada dal president dal cussegl dal chantun Gilgian Leuzinger e da l'emprim vicepresident Ralph Devos sco er dal segund vicepresident Max Frischknecht. Els vegnan accumpagnads tranter auter da las deputadas e dals deputads Ursula Weibel-Ehrbar, Edgar Bischof, Ivo Müller, Walter Bach ed Edith Beeler sco er dal scrivant dal cussegl Martin Bichler.
Ils giasts dal chantun Appenzell dador vegnan beneventads dal president dal cussegl grond Corsin Farrér e dal vicepresident dal cussegl grond Christian Rathgeb. Da vart dal Grischun sa participeschan a la scuntrada plinavant las presidentas ed ils presidents da fracziun. Il program prevesa d'assister l'avantmezdi a las tractativas currentas dal cussegl grond e da visitar il suentermezdi la citad veglia da Cuira e la catedrala.

Gremi: Chanzlia chantunala dal Grischun
Funtauna: rg chanzlia chantunala dal Grischun