L'ambassadur da l'uniun europeica a Berna, Michael Reiterer, visita gievgia, ils 26 da mars 2009, il Grischun. Suenter il bainvegni dal manader da la delegaziun da la cumissiun europeica per la Svizra e per il principadi da Liechtenstein è previs in gentar cuminaivel. Ils ospitants èn il president da la regenza Hansjörg Trachsel ed il chancelier Claudio Riesen.
La regenza tgira mintga onn contacts cun represchentantas e cun represchentants da stadis esters e da communitads internaziunalas en Svizra. Quests discurs èn elements impurtants da las relaziuns externas dal chantun. En connex cun ils stadis vischins e cun pajais che han relaziuns spezialas cun la Svizra e cun il Grischun vegnan savens discutadas dumondas specificas actualas. Autras visitas servan en emprima lingia al barat d'experientschas sin il champ cultural, economic e politic.

Gremi: chanzlia chantunala dal Grischun
Funtauna: rg chanzlia chantunala dal Grischun