La regenza grischuna deplorescha la decisiun da Mayr-Melnhof Swiss Timber (MMST) d'annunziar il concurs da la resgia a Domat. Malgrà las stentas intensivas n'èsi betg gartegià en quel curt temp ch'è stà a disposiziun da chattar ina soluziun tenor princips d'interpresa per la contribuziun d'investiziun da 6,75 milliuns francs ch'il cussegl grond ha refusà.
A partir d'immediat stat l'uffizi per industria, mastergn e lavur dal Grischun (UCIML) a disposiziun al lieu per cussegliar las collavuraturas ed ils collavuraturs. En il rom da la procedura da concurs che sto vegnir fatga ussa porscha il Grischun ses buns servetschs a parts interessadas.


Infurmaziuns:
- en cas da dumondas davart il guaud e la selvicultura:
cusseglier guvernativ Stefan Engler, departament da construcziun, traffic e selvicultura, tel. 081 257 36 01
- en cas da dumondas davart l'economia publica e davart la promoziun dal svilup economic:
cusseglier guvernativ Hansjörg Trachsel, departament d'economia publica e fatgs socials, tel. 081 257 23 01


Gremi: regenza
Funtauna: rg chanzlia chantunala dal Grischun