Da vischnancas e da regiuns 

• Vrin: A la vischnanca da Vrin vegn garantida ina contribuziun da maximalmain 144'450 francs als custs per sanar e per engrondir il stabiliment dal provediment d'aua Sogn Giusep, 3. etappa.
• Mundaun: La revisiun parziala da la planisaziun locala ch'è vegnida concludida ils 3 da zercladur 2011 da la vischnanca da Mundaun e che cumpiglia in plan da zonas 1:2'000, "Territori Cuolm Sura", vegn approvada.
• St. Peter-Pagig: La revisiun parziala da la planisaziun locala da la vischnanca da St. Peter-Pagig dals 9 da december 2010 vegn approvada.
• Tavau: Il project da rempars cunter scuflads "Grüeniberg" da l'uffizi da guaud e privels da la natira dal Grischun sin il territori da la vischnanca da Tavau vegn approvà. Als custs da 560'000 francs vegn garantida ina contribuziun da maximalmain 397'600 francs.

 
Contribuziuns chantunalas a differentas instituziuns

• Heineken Switzerland SA: Per renovar ils binaris da colliaziun da la Heineken Switzerland SA a Domat (staziun da Favugn) vegn garantida ina contribuziun chantunala da maximalmain 861'426 francs.

Projects da vias
La regenza ha approvà totalmain 2'511'000 francs per construir e per sanar ils suandants trajects da vias:
- via dal Güglia: lavurs d'impressari e da cuvrida en il vitg da Lantsch
- via da la Landwasser: lavurs da cuvrida, Pro Quarta – Alvagni Vitg
- via da St. Antönien: lavurs d'impressari e da cuvrida, Badüsli


Gremi: regenza
Funtauna: rg chanzlia chantunala dal Grischun