En sia ultima sesida ha la regenza grischuna tractà differentas fatschentas da vischnancas e da regiuns.

Da vischnancas e da regiuns

• Brusio: La constituziun da la vischnanca da Brusio dals 10 da fanadur 2011 vegn approvada. 
• Mesauc: La revisiun parziala da la constituziun da la vischnanca da Mesauc dals 22 da zercladur 2011 vegn approvada. 
• Nufenen: La constituziun da la vischnanca da Nufenen dals 15 da fanadur 2011 vegn approvada. 
• Nufenen: A la vischnanca da Nufenen vegn concedida ina contribuziun pauschala da 112'500 francs als custs da 446'000 francs per renovar il provediment d'aua e d'electricitad entaifer il vitg. 
• Puntraschigna: La constituziun da la vischnanca da Puntraschigna dals 7 da fanadur 2011 vegn approvada. 
• Andeer: Il project "Via da guaud Bavugls" da la vischnanca dad Andeer vegn approvà. Als custs dad 1'520'000 francs vegn garantida ina contribuziun da maximalmain 988'000 francs.

 
Projects da vias
La regenza ha approvà 200'000 francs per construir e per sanar il suandant traject da via:
- via da l'Alvra: lavurs da cuvrida, ospizi da l'Alvra – Punt Granda (augment dal credit)


Chaussas persunalas

• Hans Hengartner, domicilià a Langnau am Albis, è vegnì elegì sco commember dal cussegl da fundaziun da la fundaziun grischuna per innovaziun, svilup e perscrutaziun. Hengartner è professer emerità per immunologia da la SPF e da l'universitad da Turitg. El remplazza Johannes Randegger, domicilià a Bettingen.

Gremi: regenza
Funtauna: rg chanzlia chantunala dal Grischun