La regenza grischuna ha elegì Marcel Suter sco nov manader da l'uffizi da fatgs da polizia e da dretg civil. L'um da 46 onns cumenza ses uffizi il 1. d'october 2011.

Marcel Suter, ch'è domicilià a Domat, è vegnì elegì da la regenza sco nov manader da l'uffizi da fatgs da polizia e da dretg civil. Marcel Suter è naschì l'onn 1965. El è maridà e bab da dus uffants. Suenter la frequentaziun da las scolas en il Grischun e suenter il studi da giurisprudenza a Berna ha el acquistà la patenta d'advocat dal Grischun. Alura ha Suter lavurà tar l'uffizi da construcziun bassa dal Grischun sco collavuratur giuridic e sco manader dal servetsch giuridic. Dapi l'onn 2003 è el schef dal stab e schef da planisaziun e d'acziuns en il grad d'in maior tar la polizia chantunala dal Grischun. En l'armada è el maior en il stab centrala naziunala d'alarm dal cussegl federal. El è president da la federaziun grischuna dal sport da tir, commember da la cumissiun disciplinara da la federaziun svizra dal sport da tir ed – en uffizi accessoric – docent per dretg administrativ general a la scola auta da tecnica ed economia a Cuira.

Suter daventa successur da Heinz Brand ch'è sa retratg per ils 31 d'avust 2011. El vegn a surpigliar sia nova funcziun il 1. d'october 2011.


Infurmaziuns:
cussegliera guvernativa Barbara Janom Steiner, scheffa dal departament da giustia, segirezza e sanadad, tel. 081 257 25 01


Gremi: regenza
Funtauna: rg chanzlia chantunala dal Grischun