La primavaira 2012 han lieu ils examens d'admissiun chantunals per entrar en las scolas medias grischunas l'onn da scola 2012/13. S'annunziar per ils examens pon ins mo sin via electronica.

L'examen d'admissiun a la 1. classa dal gimnasi ha lieu gia ils 14 da favrer 2012. A partir d'immediat fin ils 16 da december 2011 pon ins s'annunziar per l'examen d'admissiun a la 1. classa dal gimnasi sin la pagina d'internet www.zap.gr.ch.
Per ils examens a la 3. classa dal gimnasi respectivamain a la 1. classa da la scola media commerziala u da la scola media spezialisada èsi pussaivel da s'annunziar sin via electronica dal 1. da november 2011 fin ils 16 da schaner 2012 (medemamain sin www.zap.gr.ch).
Annunzias posteriuras na vegnan betg pli resguardadas. Ulteriuras infurmaziuns davart ils examens d'admissiun ed indicaziuns detagliadas davart la procedura d'annunzia electronica stattan a disposiziun sin la pagina d'internet da l'uffizi per la furmaziun media-superiura (www.mittelschulen.gr.ch).


Infurmaziuns:
Regina Just Brodbeck, uffizi per la furmaziun media-superiura, manadra da la partiziun "scolas medias / examens d'admissiun chantunals", tel. 081 254 12 34


Gremi: uffizi per la furmaziun media-superiura
Funtauna: rg uffizi per la furmaziun media-superiura