La cumissiun per politica da stadi e strategia refusa l'iniziativa da proporz 2014 sco er la cuntraproposta da la regenza.

A chaschun da sia emprima sesida sut il presidi dal deputà Bruno W. Claus ed en preschientscha da la presidenta da la regenza Barbara Janom Steiner sco er d'ina represchentanza da l'administraziun chantunala ha la cumissiun per politica da stadi e strategia (CPSS) predeliberà la missiva "Per elecziuns gistas" (iniziativa da proporz 2014) per mauns dal cussegl grond per la sessiun d'october 2012.

Suenter ina discussiun detagliada e profunda è la CPSS s'exprimida cleramain per mantegnair la procedura electorala da maiorz vertenta. En il center steva en quest connex la transparenza ed il fatg che tut las valladas avessan dad esser represchentadas en il parlament grischun. Perquai èn l'iniziativa "Per elecziuns gistas" sco er la cuntraproposta da la regenza che prevesa d'introducir la procedura electorala da proporz per l'onn 2018 vegnidas refusadas da la cumissiun cun 10 cunter 1 vusch. 


Infurmaziuns:
Bruno W. Claus, president da la cumissiun per politica da stadi e strategia, tel. 079 333 92 92 


Gremi: cumissiun per politica da stadi e strategia
Funtauna: rg cumissiun per politica da stadi e strategia