La regenza grischuna ha reelegì trais commembers dal cussegl da la banca chantunala grischuna (BCG). 

Tenor la lescha davart la banca chantunala grischuna è la regenza cumpetenta per eleger il cussegl da banca che sa cumpona da set persunas. Ils 31 da mars 2013 fineschan las periodas d'uffizi dals commembers dal cussegl da la banca Jon Peider Lemm (dapi l'onn 1994), Not Carl (dapi l'onn 1998) e Christian Thöny (dapi l'onn 2009). La regenza ha reelegì ils cussegliers da banca Jon Peider Lemm e Not Carl per 2 onns ed il cusseglier da banca Christian Thöny per 4 onns.
La renovaziun dal cussegl da banca ch'è cuntinuadamain necessaria, duai vegnir fatga resguardond las prescripziuns da l'autoritad federala per la surveglianza dals martgads da finanzas FINMA ed en il rom d'ina examinaziun dal profil d'exigenzas existent per il cussegl da banca. Tras la repartiziun da las elecziuns po vegnir iniziada la renovaziun dal cussegl da banca. 
 

Infurmaziuns:
cussegliera guvernativa Barbara Janom Steiner, scheffa dal departament da finanzas e vischnancas, tel. 081 257 32 01 (cuntanschibla fin las 18.30)


Gremi: regenza
Funtauna: rg chanzlia chantunala dal Grischun