Differenzas specificas pervia da la schlattaina datti er tar malsognas. Davart il tema "Gender en la medischina e tgira" ha lieu il cumenzament da mars ina retscha d'occurrenzas transcunfinalas. La retscha vegn cunorganisada dal post da stab chantunal per l'egualitad da las schanzas.

La sanadad e la malsogna han ina schlattaina. Las dunnas reageschan auter sin medicaments ch'ils umens, e tar tschertas malsognas na mussan las dunnas nagins sintoms "ch'èn tipics per umens". Questas differenzas vegnan anc adina risguradadas memia pauc en la pratica. Per 85 pertschient èsi las dunnas en il sectur da la sanadad ed en la tgira che mantegnan il manaschi ed il sistem da famiglia – a la testa sa chattan dentant per gronda part umens.
Tge rolla che la schlattaina gioga cun ir enturn cun la sanadad e la malsogna e co che la cumpetenza da gender meglierescha la tgira e l'accumpagnament da persunas grevamain malsaunas e persunas muribundas, da quai s'occupa ina retscha d'occurrenzas transcunfinalas sut il titel "Gender en la medischina e tgira – la revoluziun silenziusa" a Cuira, Vaduz e Bregenz. Ils posts spezialisads per dumondas d'egualitad dal pajais federativ austriac dal Vorarlberg, dal principadi da Liechtenstein e dal chantun Grischun organiseschan referats ed in seminari davart il tema.
Sco referents han ins pudì engaschar la professuressa e spezialista per perscrutaziun dal tscharvè specifica per las schlattainas da l'universitad da Münster, Bettina Pfleiderer, sco er il psicanaliticher ed expert per perscrutaziun d'umens e da las schlattainas e per "palliative care" da l'universitad "Alpen-Adria" da Klagenfurt, Vienna e Graz, dr. Erich Lehner. 

Referats a Cuira
Mesemna, ils 6 da mars 2013, a las 18.00
Auditori da l'ospital chantunal a Cuira, Loëstrasse 170
Bainvegni tras il cusseglier guvernativ Martin Jäger, schef dal departament d'educaziun, cultura e protecziun da l'ambient dal Grischun
Annunzia per telefon sut 081 257 35 70 u per e-mail sut info@chancengleichheit.gr.ch  

Seminari a Vaduz
cun Bettina Pfleiderer ed Erich Lehner
Gievgia, ils 7 da mars 2013, da las 10.00 a las 12.30
Vaduz, Haus Risch, Aeulestrasse 51
Annunzia per telefon sut 0423 236 60 60 u per e-mail sut info@scg.llv.li  
 

Infurmaziuns:
Silvia Hofmann, post da stab per l'egualitad da las schanzas, tel. 081 257 35 71 u e-mail: Silvia.Hofmann@stagl.gr.ch  


Gremi: post da stab per l'egualitad da las schanzas
Funtauna: rg post da stab per l'egualitad da las schanzas