Suenter che tut las permissiuns necessarias dal dretg da concurrenza han pudì vegnir concedidas, ha il chantun Grischun cumprà ils 28 da mars 2013 da l'Alpiq la mesadad da las aczias da la Repower, sco quai ch'el aveva annunzià il december 2012. Uschia èn il chantun Grischun e l'Axpo participads cun 58,3% resp. cun 33,7% vi da l'interpresa d'energia Repower.

Ils dus acziunaris principals, che furman er vinavant ina gruppa d'acziunaris, na vulan betg laschar duraivlamain las aczias cumpradas en lur portafegls, mabain transferir la gronda part da quellas a curta fin a media vista ad in nov partenari strategic (acziunari substitutiv). Ina part dal pachet d'aczias ch'il chantun ha cumprà duai plinavant ir en in batschigl separà dal chantun e da las vischnancas. Quai per augmentar la creaziun da valur or da la forza idraulica per la communitad grischuna. Il chantun vegn a far tant pli svelt ils scleriments necessaris per crear ina structura da participaziun adattada a favur da las vischnancas grischun e dal chantun. 
 
 
Infurmaziuns:
Dr. Mario Cavigelli, schef dal departament da construcziun, traffic e selvicultura dal Grischun, tel. 081 257 36 01


Gremi: regenza
Funtauna: rg chanzlia chantunala dal Grischun