Cun resalva da la decisiun definitiva dal cussegl grond ha lieu il zercladur 2015 ina sessiun dal cussegl grond ordaifer Cuira. La sessiun en la regiun è publitgada uffizialmain per l'annunzia. Tut las instituziuns publicas interessadas (vischnancas, circuls, districts, corporaziuns regiunalas) èn envidadas da s'annunziar per organisar la sessiun en la regiun. Las annunzias cun tut ils documents (dossier d'annunzia, plans e.u.v.) ston vegnir inoltradas fin ils 30 da november 2013 al secretariat dal cussegl grond per mauns dal cussegl grond. L'adressa è inditgada qua sutvart. (Decisiv è il bul postal. Annunzias inoltradas memia tard na pon betg vegnir resguardadas.)

Il catalog cun las pretensiuns areguard l'infrastructura, ils stabiliments, las tecnologias da communicaziun e d'infurmaziun, il program da las localitads, ils alloschis e.u.v. pon las instituziuns publicas interessadas retrair a partir d'immediat e durant il termin d'annunzia en scrit, per fax, per e­mail u per telefon tar il secretariat dal cussegl grond. Infurmaziuns cumplementaras vegnan medemamain dadas dal secretariat dal cussegl grond.

Adressa:
Secretariat dal cussegl grond
Masanserstrasse 14
7001 Cuira
tel. 081 257 22 34 u 081 257 22 32
fax 081 257 21 88
e-mail: ratssekretariat@staka.gr.ch  
   

Infurmaziuns:
Domenic Gross, manader dal secretariat dal cussegl grond da la chanzlia chantunala, Tel. 081 257 22 32, E-Mail Domenic.Gross@staka.gr.ch


Gremi: cussegl grond
Funtauna: rg chanzlia chantunala dal Grischun