Ils 3 da schaner 2014 ha la surveglianza da chatscha chattà en vischinanza da Tumein il cadaver d'in luf. I sa tracta d'in animal mastgel giuven che tutga cun gronda probabilitad tar la rotscha da lufs dal Calanda e ch'è naschì l'onn 2013.
Il cadaver è vegnì surdà a l'institut da patologia da l'universitad da Berna per ina controlla detagliada e per sclerir la raschun da la mort. En il fratemp èsi vegnì confermà ch'il luf è crappà per consequenza d'ina blessura chaschunada d'in projectil. Sin fundament dals resultats poi vegnir supponì che l'animal tutgà ha anc vivì in pèr dis, avant ch'el è crappà pervia da la blessura d'in projectil.
Il departament da construcziun, traffic e selvicultura ha fatg ina denunzia cunter nunenconuschent tar la procura publica dal Grischun cun la finamira da far star bun la persuna ch'è responsabla per la prelevaziun illegala. 
 

Fotografia agiuntada: Fotografia dal luf crappà 
 

Infurmaziuns:
- president da la regenza, dr. Mario Cavigelli, departament da construcziun, traffic e selvicultura dal Grischun, tel. 081 257 36 14, e-mail Mario.Cavigelli@bvfd.gr.ch  
- dr. Georg Brosi, manader da l'uffizi da chatscha e pestga dal Grischun, tel. 081 257 38 92, e-mail Georg.Brosi@ajf.gr.ch  
- Hannes Jenny, biolog da selvaschina, uffizi da chatscha e pestga dal Grischun, tel. 081 257 38 92, e-mail Hannes.Jenny@ajf.gr.ch  
 

Gremi: departament da construcziun, traffic e selvicultura
Funtauna: rg departament da construcziun, traffic e selvicultura