Dapi plirs onns maina l'uffizi da migraziun e da dretg civil dal Grischun en differents lieus en il chantun alloschis collectivs per persunas dal sectur d'asil. Proximamain vegn organisà in di da las portas avertas en ils centers da transit. Cumenzar cumenza il center da transit Rheinkrone a Cazas sonda, ils 24 da matg 2014, tranter las 11.00 e ca. las 15.00.

A chaschun dal di da las portas avertas pon persunas interessadas da la regiun prender invista da las localitads da l'alloschi. Grond pais vegn dà quel di a l'ospitalitad. Las requirentas ed ils requirents d'asil mussan quel di lur chasa als giasts. Cun grond plaschair e bler engaschi han els preparà in pèr chaussas per questa occurrenza – sper in divertiment musical or dal territori arab vegnan purschidas tipicas delicatessas da differents pajais. Las visitadras ed ils visitaders pon sa legrar d'in pitschen viadi cultural e culinaric enturn il mund. Els survegnan er ina invista dal mintgadi betg adina facil en il center da transit, nua che persunas da las culturas las pli differentas vivan ensemen. 
 

Infurmaziuns:
- Marcel Suter, manader da l'uffizi da migraziun e da dretg civil dal Grischun, tel. 081 257 25 21, e-mail Marcel.Suter@afm.gr.ch  
- Georg Carl, manader da la partiziun "asil ed execuziun", tel. 081 257 25 49, e-mail Georg.Carl@afm.gr.ch  
 

Gremi: uffizi da migraziun e da dretg civil
Funtauna: rg uffizi da migraziun e da dretg civil