Suenter las elecziuns da renovaziun dals 18 da matg 2014 ha la regenza grischuna repartì oz ils departaments a chaschun da sia sesida.
Il cusseglier guvernativ novelegì Jon Domenic Parolini surpiglia il departament d'economia publica e fatgs socials. El cumenza ses uffizi il 1. da schaner 2015. Naginas midadas datti tar la direcziun dals quatter ulteriurs departaments.
Per la proxima perioda d'uffizi dal 1. da schaner 2015 fin ils 31 da december 2018 sa preschenta la repartiziun dals departaments e la regulaziun da las substituziuns sco suonda:
- departament d'economia publica e fatgs socials, schef: cusseglier guvernativ Jon Domenic Parolini; substitut: cusseglier guvernativ Martin Jäger
- departament da giustia, segirezza e sanadad, schef: cusseglier guvernativ Christian Rathgeb; substitut: cusseglier guvernativ Mario Cavigelli
- departament d'educaziun, cultura e protecziun da l'ambient, schef: cusseglier guvernativ Martin Jäger; substitut: cusseglier guvernativ Jon Domenic Parolini
- departament da finanzas e vischnancas, scheffa: cussegliera guvernativa Barbara Janom Steiner; substitut: cusseglier guvernativ Christian Rathgeb
- departament da construcziun, traffic e selvicultura, schef: cusseglier guvernativ Mario Cavigelli; substituta: cussegliera guvernativa Barbara Janom Steiner
Fotografia agiuntada:
La regenza grischuna en sia nova cumposiziun (da sanestra): Barbara Janom Steiner, Martin Jäger, Mario Cavigelli, Christian Rathgeb e Jon Domenic Parolini.
Infurmaziuns davart il conclus da la regenza:
president da la regenza dr. Mario Cavigelli, schef dal departament da construcziun, traffic e selvicultura, tel. 081 257 36 01, e-mail
Mario.Cavigelli@bvfd.gr.ch
Gremi: regenza
Funtauna: rg chanzlia chantunala dal Grischun