Ils ultims dis ha l'organ da surveglianza da chatscha pudì furnir la cumprova ch'il triep da lufs dal Calanda è sa reproducì per la terza giada. Ina fotografia fatga cun ina trapla fotografica mussa dus, in'autra trais lufs giuvens. Sch'i sa tracta mo d'ina part da la generaziun giuvna, n'è però betg enconuschent. Ins sto partir d'almain trais lufs giuvens en il triep dal Calanda. Ina giada dapli è sa confermà il fatg che traplas fotograficas èn in instrument impurtant per survegliar ils lufs.


Fotografia agiuntada:
Lufs giuvens dal triep dal Calanda, annada 2014 (fotografias: uffizi da chatscha e pestga dal Grischun) 



Infurmaziuns:
- dr. Georg Brosi, schef da l'uffizi da chatscha e pestga dal Grischun, tel. 081 257 38 92, e-mail Georg.Brosi@ajf.gr.ch
- Hannes Jenny, biolog da selvaschina, uffizi da chatscha e pestga dal Grischun, tel. 081 257 38 92, e-mail Hannes.Jenny@ajf.gr.ch  


Gremi: uffizi da chatscha e pestga dal Grischun
Funtauna: rg uffizi da chatscha e pestga dal Grischun