La conferenza da las presidentas e dals presidents dal cussegl grond recumonda al cussegl grond da resguardar la candidatura da la vischnanca da Puntraschigna per realisar la sessiun da zercladur 2019 en la regiun. La decisiun en chaussa prenda il cussegl grond.

En il decurs da l'enviern è la conferenza da las presidentas e dals presidents dal cussegl grond sa fatschentada cun las candidaturas per la sessiun 2019 en la regiun dal cussegl grond. Entaifer il termin èn vegnidas inoltradas duas candidaturas: ina da la vischnanca da Puntraschigna e l'autra da la vischnanca da Claustra-Serneus. Persvadì ha il dossier ch'è vegnì inoltrà da la vischnanca da Puntraschigna. Per l'ina arriva la vischnanca da Puntraschigna d'ademplir tut las pretensiuns ch'èn vegnidas fatgas al lieu d'organisaziun, per l'autra tegna il concept fitg bain quint d'ina sessiun en la regiun. Cumbain ch'er la vischnanca da Claustra-Serneus aveva inoltrà ina buna candidatura, è la conferenza da las presidentas e dals presidents stada da l'avis da dar la preferenza a la vischnanca da Puntraschigna.

Il cussegl grond vegn a decider definitivamain la sessiun d'avrigl 2018 davart la surdada da la sessiun en la regiun dal zercladur 2019.

Agiunta:
Rapport e proposta da la conferenza da las presidentas e dals presidents: Sessiun dal cussegl grond da l'onn 2019 en la regiun


Infurmaziuns:
vicepresidenta dal cussegl grond Tina Gartmann-Albin, tel. 079 611 15 31


Gremi: conferenza da las presidentas e dals presidents dal cussegl grond
Funtauna: rg conferenza da las presidentas e dals presidents dal cussegl grond