A sia sesida dad oz ha la regenza ordinà in'examinaziun externa davart las renfatschas en connex cun ils resultats da l'inquisiziun da la cumissiun da concurrenza (CUMCO) tar las cunvegnas da submissiun. I duain vegnir examinads ils process da surdada en l'uffizi da construcziun bassa, en spezial er durant la perioda d'investigaziun dals onns 2004 fin 2012 ch'è vegnida examinada da la CUMCO. Engaschada vegn ina persunalitad extrachantunala adattada ed independenta.

Independentamain da quai vegnan plinavant examinads da dr. Andreas Brunner, anteriur emprim procuratur public directiv dal chantun Turitg, ils fatgs en connex cun l'acziun da la polizia respectivamain cun il champ da cumpetenza dal departament da giustia, segirezza e sanadad.


Infurmaziuns:
president da la regenza dr. Mario Cavigelli, schef dal departament da construcziun, traffic e selvicultura, tel. 081 257 36 01, e-mail Mario.Cavigelli@bvfd.gr.ch


Gremi: regenza
Funtauna: rg chanzlia chantunala dal Grischun