L'emna passada è in segund luf giuven ch'è naschì quest onn crudà giu al Piz Mirutta sur l'alp da Trin.

Il cadaver da l'animal ch'è vegnì scuvert d'ina persuna privata è vegnì annunzià immediatamain. La surveglianza da chatscha è vegnida per el. Er en cas da quest animal giuven èsi anc intschert, pertge ch'el è crudà giu e sch'i sa tracta d'in luf giuven dal triep dal Calanda. Il cadaver vegn surdà a l'institut da patologia da l'universitad da Berna per ulteriuras controllas. Da l'analisa da l'emprim luf giuven crudà giu na datti anc nagins resultats.


Infurmaziuns:
dr. Adrian Arquint, schef da l'uffizi da chatscha e pestga, tel. 081 257 38 92, e-mail Adrian.Arquint@ajf.gr.ch


Gremi: uffizi da chatscha e pestga
Funtauna: rg uffizi da chatscha e pestga