La regenza ha dà glisch verda per renovar las stortas stretgas da la via dal pass dal Flüela.

Stortas survesaivlas sin il pass dal Flüela
La regenza ha approvà in project d'exposiziun per renovar las stortas stretgas a Chant Sura da la via dal pass dal Flüela. Questas stortas na correspundan betg pli a las pretensiuns dad oz – ellas han ina geometria insuffizienta ed èn en in nausch stadi architectonic. Pervia da quai duain ellas vegnir adattadas al standard da las stortas stretgas a Scuflà Grond che sa chattan da la vart dal sid dal pass e ch'èn vegnidas sanadas gia l'onn 2016.
Il project d'exposiziun prevesa da renovar la via dal Flüela en quest sectur e da schlargiar il vial ad ina ladezza da 6 meters. Suenter la renovaziun è la via d'ina vart meglier charrabla, da l'autra vart pli survesaivla e tras quai pli segira. Ils custs totals dal project importan circa 5,72 milliuns francs.
 

©Uffizi federal da topografia

Gremi: regenza
Funtauna: rg chanzlia chantunala dal Grischun