La regenza dal Principadi da Liechtenstein ha visità oz – sin invitaziun da la regenza grischuna – il chantun Grischun.

Il president da la regenza grischuna Jon Domenic Parolini ha pudì beneventar oz a mezdi a Cuira la regenza dal Principadi da Liechtenstein. Il schef da la regenza Adrian Hasler è vegnì accumpagnà dal cusseglier guvernativ Mauro Pedrazzini, da la cussegliera guvernativa Aurelia Frick, da la cussegliera guvernativa Dominique Hasler sco er dal secretari da la regenza Horst Schädler. Suenter il barat dals salids uffizials è stà in gentar cuminaivel sin il program.

Las regenzas dal Grischun e dal Liechtenstein han gia adina tgirà stretgas relaziuns amicablas. La visita serva a tgirar questas relaziuns ed a barattar experientschas sin ils champs da la cultura, da l'economia e da la politica.

Fotografias agiuntadas:

Il president da la regenza grischuna Jon Domenic Parolini (a dretga) ha beneventà il schef da la regenza dal Principadi da Liechtenstein Adrian Hasler a Cuira.


Las delegaziuns dal Grischun e dal Principadi da Liechtenstein cun il president da la regenza Jon Domenic Parolini e cun il schef da la regenza Adrian Hasler (entamez).

Gremi: regenza
Funtauna: rg chanzlia chantunala