La chanzlia chantunala renda attent che singuls cudeschets dals cedels electorals, che las electuras ed ils electurs survegnan ils proxims dis da las vischnancas per las elecziuns dal cussegl naziunal, pon avair sbagls. Pervia d'in sbagl organisatoric tar l'interpresa externa ch'è vegnida incumbensada cun la producziun, mancan tar singuls cudeschets dals cedels electorals paginas u è ina part dal cudeschet tagliada davent.

A las electuras ed als electurs vegni recumandà da controllar exactamain lur material electoral. Eventuals cudeschets dals cedels electorals cun sbagls pon las electuras ed ils electurs barattar tar lur vischnanca da domicil cunter exemplars cumplets e corrects. Las vischnancas èn gia vegnidas infurmadas correspundentamain.


Infurmaziuns:
Walter Frizzoni, vicechancelier, chanzlia chantunala dal Grischun, tel. 081 257 22 22, e-mail Walter.Frizzoni@staka.gr.ch


Gremi: chanzlia chantunala
Funtauna: rg chanzlia chantunala