Sin invit da la regenza grischuna ha il president da la regiun Lumbardia visità oz il chantun Grischun. En il rom d'in discurs constructiv a Cuira èn vegnids tractads differents temas transcunfinals.

Il president da la regiun Lumbardia Attilio Fontana è vegnì beneventà en il museum d'art a Cuira da la regenza cumpletta e dal chancelier Daniel Spadin.

A chaschun dal discurs è vegnì tractà tranter auter il stadi da realisaziun da la decleraziun d'intenziun davart la cooperaziun transcunfinala (intesa) da l'onn 2016. Quella prevesa ina collavuraziun pli stretga tranter il chantun Grischun e la regiun Lumbardia en ils secturs traffic, sanadad ed economia. L'inscunter ha er dà l'occasiun da discurrer davart la collavuraziun en la cuminanza da lavur da las regiuns alpinas (ARGE ALP) sco er davart ils gieus olimpics d'enviern 2026 a Milaun ed a Cortina d'Ampezzo.

Suenter il discurs ha gì lieu ina tura guidada tras il museum d'art dal Grischun, suandada d'in apero.

Fotografia agiuntada:

Da sanestra: cusseglier guvernativ Christian Rathgeb, cusseglier guvernativ Marcus Caduff, president da la regenza Jon Domenic Parolini, cusseglier guvernativ Peter Peyer, president da la regiun Lumbardia Attilio Fontana, assessur Massimo Sertori, chancelier Daniel Spadin e cusseglier guvernativ Mario Cavigelli.


Infurmaziuns:
president da la regenza Jon Domenic Parolini, schef dal departament d'educaziun, cultura e protecziun da l'ambient, tel. 081 257 27 12, e-mail Jondomenic.Parolini@ekud.gr.ch


Gremi: regenza
Funtauna: rg chanzlia chantunala