Il consul general chinais, dr. Qinghua Zhao, ha visità oz il chantun Grischun sin invitaziun da la regenza.

Il consul general da la Republica Populara da la China, Qinghua Zhao, è vegnì beneventà oz en il chastè da Haldenstein dal president da la regenza Jon Domenic Parolini e dal chancelier Daniel Spadin. Qinghua Zhao è vegnì accumpagnà dal viceconsul Nanyang Wu e da l'attasché dal consul Naiying Huang. Suenter il barat dals salids uffizials è in gentar cuminaivel stà sin il program.

La regenza grischuna tgira annualmain contacts cun represchentantas e represchentants da stadis esters en Svizra. Ils discurs èn elements impurtants da las relaziuns exteriuras dal chantun. Cun ils stadis vischins e cun ils pajais che han relaziuns spezialas cun la Svizra e cun il Grischun vegnan discutadas savens dumondas specificas actualas. Autras visitas servan en emprima lingia a barattar experientschas sin il champ cultural, economic e politic.

Fotografia agiuntada:

Da sanestra: chancelier Daniel Spadin, viceconsul Nanyang Wu, president da la regenza dr. Jon Domenic Parolini, consul general dr. Qinghua Zhao ed attasché dal consul Naiying Huang.


Gremi: regenza
Funtauna: rg chanzlia chantunala