L'anticipaziun dal pajament aconto annual garantescha la liquiditad dals manaschis agriculs.

Sin dumonda d'ina gronda maioritad dals chantuns ha l'Uffizi federal d'agricultura stgaffì la basa per anticipar excepziunalmain il pajament aconto dals pajaments directs als manaschis agriculs pervia da la situaziun actuala per circa 1 mais, da mez zercladur a mez matg. Suenter che l'Uffizi d'agricultura e da geoinfurmaziun ha sclerì in pèr dumondas tecnicas ed organisatoricas, vegn il pajament aconto probablamain fatg ils 19 da matg 2020 en il chantun Grischun. Questa mesira duai gidar a mantegnair la liquiditad cunzunt da quels manaschis agriculs ch'èn directamain dependents dal turissem, da la gastronomia e da la hotellaria.

Infurmaziuns: 
Daniel Buschauer, manader da l'Uffizi d'agricultura e da geoinfurmaziun, tel. +41 81 257 24 31, e-mail Daniel.Buschauer@alg.gr.ch

Gremi: Uffizi d'agricultura e da geoinfurmaziun
Funtauna: rg Uffizi d'agricultura e da geoinfurmaziun