Pervia da la situaziun actuala cun la pandemia n'è ina sessiun anc adina betg pussaivla en l'edifizi dal Cussegl grond a Cuira: il Cussegl grond sa raduna perquai per la terza giada ina suenter l'autra en il center da congress a Tavau.

A chaschun da sia ultima sesida per la preparaziun da la sessiun d'avrigl 2021 ha la Conferenza da las presidentas e dals presidents dal Cussegl grond stuì prender enconuschientscha dal fatg che las cundiziuns generalas n'èn – pervia da la situaziun actuala cun la pandemia da COVID-19 – betg sa midadas ord vista dal manaschi parlamentar dapi la sessiun da favrer 2021. Correspundentamain ha la Conferenza da las presidentas e dals presidents decidì da sa radunar puspè a Tavau. Il concept da protecziun da la sessiun da december 2020 e da la sessiun da favrer 2021 è sa cumprovà. E grazia a sia grondezza ed a la concepziun sia sias localitads porscha il center da congress avunda plazza sco er la garanzia per ina sessiun segira.

La sessiun d'avrigl 2021 dura 3 dis, dals 19 fin ils 21 d'avrigl 2021.

Infurmaziuns:
president dal Cussegl grond Martin Wieland, tel. +41 79 799 61 15

Gremi: Chanzlia chantunala
Funtauna: rg Chanzlia chantunala