Dumengia, ils 2 da matg 2021, è in urs sa trategnì en Val Müstair. Ils fastizs en la naiv sut il Piz Turettas ha la surveglianza da chatscha pudì attribuir cleramain ad in urs.

L'Uffizi da chatscha e pestga ha tramess in SMS d'avertiment correspundent a las puras ed als purs sco er a las apiculturas ed als apiculturs da la regiun. L'animal vegn ussa observà detagliadamain da la surveglianza da chatscha e dals guardians dal Parc naziunal svizzer. En il fratemp è l'urs migrà sur il Pass dal Fuorn. La populaziun vegn supplitgada da resguardar las instrucziuns en ils fegls d'infurmaziun da l'Uffizi da chatscha e pestga.

Fotografia:

Infurmaziuns concernent animals da rapina gronds:
Marc Hosig, Manader Servetschs centrals, tel. +41 81 257 38 92, e-mail Marc.Hosig@ajf.gr.ch

Infurmaziuns generalas:
Dr. Adrian Arquint, manader da l'Uffizi da chatscha e pestga dal Grischun, tel. +41 81 257 38 92, e-mail Adrian.Arquint@ajf.gr.ch


Gremi: Uffizi da chatscha e pestga
Funtauna: rg Uffizi da chatscha e pestga