Perquai che la Confederaziun ha schluccà ultimamain las mesiras da protecziun cunter COVID-19, po il Cussegl grond puspè sa radunar en l'edifizi dal Cussegl grond a Cuira.

Tenor las disposiziuns da l'Ordinaziun davart COVID-19 situaziun speziala, che valan dapi ils 26 da zercladur 2021 datti regulaziuns differenziadas areguard il dumber da persunas u areguard la distanza tranter auter per radunanzas da parlaments. Vinavant vala l'obligaziun da purtar ina mascrina. Sin fundament da questa situaziun dals fatgs e dal dretg ha la Conferenza da las presidentas e dals presidents dal Cussegl grond concludì da manar tras la sessiun d'avust 2021 en l'edifizi dal Cussegl grond a Cuira. La sessiun è er averta per il public.

La sessiun d'avust 2021 dura dals 25 fin ils 28 d'avust 2021.

Infurmaziuns:

president dal Cussegl grond Martin Wieland, tel. +41 79 799 61 15

Responsabladad: Chanzlia chantunala