Ils 6 da settember 2021 ha il chantun disponì la regulaziun dal triep dal Beverin. Fin ussa ha la surveglianza da chatscha pudì sajettar dus lufs giuvens.

Suenter l'ordinaziun da sajettar trais lufs giuvens dal triep dal Beverin èsi reussì a la surveglianza da chatscha da sajettar dus animals. Quels vegnan ussa analisads en l'ospital d'animals da l'Universitad da Berna ed identifitgads geneticamain en l'Universitad da Losanna. Entant che l'execuziun da la regulaziun dal dumber da lufs dura, na vegnan communitgads nagins ulteriurs detagls davart il lieu e davart las uras da las acziuns. L'Uffizi da chatscha e pestga (UCP) vegn ad infurmar periodicamain davart l'andament da la realisaziun.

Ulteriuras infurmaziuns: communicaziun a las medias dals 6 da settember 2021.

Infurmaziuns:

Hannes Jenny, vicemanader da l'Uffizi da chatscha e pestga dal Grischun, tel. +41 81 257 38 92; e-mail Hannes.Jenny@ajf.gr.ch

Responsabladad: Uffizi da chatscha e pestga