La Regenza ha avert la consultaziun tar il sboz da la revisiun parziala da la Lescha davart la protecziun da la natira e da la patria en il chantun Grischun (Lescha chantunala davart la protecziun da la natira e da la patria, LNPGR).

Tras questa adattaziun da la lescha duain las proprietarias ed ils proprietaris dals bains immobigliars pertutgads survegnir ina pussaivladad da far protesta cunter la decisiun d'inscriver lur object en l'inventari chantunal dals edifizis.

La consultaziun dura fin ils 23 da december 2021. Ils documents appartegnents pon vegnir consultads sin la pagina d'internet dal chantun Grischun.

Infurmaziuns:

- Simon Berger, manader da la Tgira da monuments dal Grischun, tel. +41 81 257 27 91, e-mail Simon.Berger@dpg.gr.ch

- Fabio Niggli, manader dal project Legislaziun, Departament d'educaziun, cultura e protecziun da l'ambient, Tel. +41 81 257 20 87, e-mail Fabio.Niggli@ekud.gr.ch

Responsabladad: Departament d'educaziun, cultura e protecziun da l'ambient