Cun il cumenzament da l'enviern retira la selvaschina d'ungla ils quartiers d'enviern e sa trategna en la vischinanza dals vitgs. Pervia da quai ston ins quintar il proxim temp cun dapli observaziuns da lufs en la vischinanza dals abitadis. Per ils umans n'exista da princip er durant quest temp nagin privel pli grond. Activitads da temp liber dastgan vegnir pratitgadas vinavant sco fin ussa.

Sch'il luf chatta funtaunas da pavel utilisablas en ils abitadis, po quai avair a vista mesauna per consequenza ch'il luf sa disa vi da l'uman e ch'i resultan situaziuns potenzialmain privlusas. Bleras scuntradas cun lufs en ils abitadis sa laschan evitar, sche funtaunas da pavel che vegnan en dumonda per il luf u per la selvaschina d'ungla vegnan allontanadas da maniera consequenta u rendidas inaccessiblas.

S'infurmar ed orientar ils posts uffizials
Recumandaziuns da cumportament en cas da scuntradas cun lufs stattan a disposiziun sin la pagina d'internet da l'Uffizi da chatscha e pestga (Fegls d'infurmaziun e broschuras). Per pudair spaventar tant sco pussaivel ils lufs ch'èn en la vischinanza dals abitadis, vegn la populaziun supplitgada da contactar immediatamain la surveglianza da chatscha locala, sch'insatgi inscuntra in luf.

Infurmaziuns:

Arno Puorger, collavuratur academic, ressort Animals da rapina gronds, Uffizi da chatscha e pestga, tel. +41 81 257 38 92 (cuntanschibel per telefon a partir da las 13.00), e‑mail Arno.Puorger@ajf.gr.ch

Responsabladad: Uffizi da chatscha e pestga