A la Cumissiun per giustia e segirezza dal Cussegl grond (CGS) èsi vegnì fatg ils ultims dis pliras giadas la dumonda, pertge ch'il derschader administrativ, cunter il qual è actualmain currenta ina procedura penala, saja anc en uffizi respectivamain pertge ch'el na saja betg vegnì «suspendì».

Per sclerir quai sto vegnir menziunà il suandant: Cumpetent per la destituziun da l'uffizi e per la suspensiun da l'uffizi è il Cussegl grond. En quest reguard prepara la CGS las fatschentas per il Cussegl grond. En connex cun ils incidents a la Dretgira administrativa ha la cumissiun sezza avert la fin d'avust 2022 – gist suenter l'autorisaziun per la procedura penala – ina procedura en vista ad eventualas decisiuns dal Cussegl grond cunter il derschader accusà, e la cumissiun lavura dapi lura intensivamain vi dal cas.

Actualmain vegn realisada la concessiun da l'attenziun giuridica. Suenter la scadenza da quest termin resp. suenter l'entrada d'ina eventuala posiziun, vegn la CGS a prender las proximas decisiuns ed eventualmain a suttametter in rapport ed ina proposta al Cussegl grond en la sessiun da favrer 2023. Pervia da la procedura currenta pon actualmain tenor la lescha betg vegnir communitgadas ulteriuras infurmaziuns.

Infurmaziuns:

Presidenta da la cumissiun Julia Müller, e-mail julia.mueller@spin.ch (esi na vegnan dadas naginas ulteriuras infurmaziuns e respundidas vegnan mo dumondas en scrit)

Responsabladad: Cussegl grond / Cumissiun per giustia e segirezza