La Regenza dat a la Scola auta da pedagogia dal Grischun (SAPGR) la permissiun da sviluppar vinavant in «certificat rumantsch» en ils idioms vallader e sursilvan. L'extensiun sin ils auters idioms e sin il rumantsch grischun duai avair lieu pir, cura ch'i existan criteris da qualitad cuntentaivels dals tests.

Ultra da quai ha la Regenza prendì enconuschientscha dal rapport da la SAPGR «Furmaziun professiunala en lingua tudestga – ina sfida per ils giuvenils dal Grischun dal Sid? Ina descripziun da la situaziun ord la perspectiva da las persunas en scolaziun e dals patruns». Quest rapport analisescha la situaziun dals giuvenils italofons dal Grischun dal Sid, che absolvan ina furmaziun fundamentala professiunala en ina regiun tudestga dal chantun Grischun. A maun da sfidas existentas inditgescha il rapport differents champs d'acziun sco er differentas mesiras. Plinavant cuntegna el er propostas per optimar l'agid a questas persunas en scolaziun per engrondir lur cumpetenzas dal tudestg.

© Scola auta da pedagogia dal Grischun