La Regenza garantescha a la citad da Cuira ina contribuziun chantunala da var 82 000 francs per restaurar e reutilisar il «Grosser Türligarten». Il cumplex da chasa d'abitar e d'edifizis d'economia è ina da las paucas chasas signurilas dal 17 avel tschientaner ch'è mantegnida ordaifer ils mirs da la citad. La chasa è vegnida construida l'onn 1606 da Johann Simeon de Florin, antruras guvernatur en Vuclina. Il «Grosser Türligarten» persvada tras sia expressiun pittoresca e tras ses maletg caracteristic per il lieu a la riva da la Plessur.

En il rom da la restauraziun duai l'edifizi d'economia «Türligarten» vegnir reutilisà sco canorta d'uffants ed aula da scola. Il passadi cuvert che maina al stabiliment da scola resta mantegnì. Sche las lavurs da projectaziun e da construcziun s'avanzan en moda optimala, quinta la citad da pudair occupar las localitads la fin dal 2024. Ils custs totals da quest project importan 4,7 milliuns francs. En connex cun la garanzia da la contribuziun chantunala a las mesiras da construcziun vegn l'edifizi mess sut protecziun da monuments.

  

© Jaromir Kreiliger