Per la 16avla giada ha gì lieu ils 6 da december 2023 l'inscunter da las anteriuras presidentas e dals anteriurs presidents dal Cussegl grond. L'invitaziun da visitar la sessiun da december dal Cussegl grond sco er al gentar cuminaivel han acceptà bleras da las anteriuras pli autas Grischunas e blers dals anteriurs pli auts Grischuns.

L'inscunter da las anteriuras presidentas e dals anteriurs presidents dal Cussegl grond, ch'è entant tradiziunal, ha lieu mintga 2 onns. Sin il program èn stads er quest onn in termin per far fotografias e la visita da la sessiun dal Cussegl grond. A chaschun d'in gentar cuminaivel hai silsuenter dà l'occasiun da sa barattar davart temps passads e davart actualitads cun il president dal Cussegl grond actual Franz Sepp Caluori, cun il president da la Regenza Peter Peyer e cun ulteriuras politicras e politichers grischuns.

Fotografia agiuntada:

Infurmaziuns:

Ueli Bleiker, president da la «Uniun dals anteriurs presidis dal Cussegl grond», tel. +41 79 268 44 27


Responsabladad: Chanzlia chantunala / Secretariat dal Cussegl grond