Las lavurs per segirar e rumir la via suenter las bovas da glindesdi passà, ils 11 da december, èn avanzadas bain. L'Uffizi da construcziun bassa dal Grischun (UCB) quinta da puspè pudair avrir la via per il traffic fin il pli tard oz a las 17.00.

Las forzas d'acziun dal UCB e d'ulteriuras interpresas han lavurà cun tutta forza e rumì la glitta, la crappa e la laina che avevan emplenì la rait da protecziun cunter crudadas da crappa. Las ultimas lavurs da rumida e da nettegiament duran anc fin il suentermezdi. Il UCB quinta da puspè pudair avrir la via per il traffic fin il pli tard las 17.00. En il decurs da l'emna proxima vegn reparada la rait da protecziun existenta. Questas lavurs pon vegnir realisadas senza gronds impediments dal traffic.

Situaziun actuala sin las vias sut www.strassen.gr.ch
La situaziun sin las vias cun infurmaziuns actualisadas cuntinuadamain chattais Vus sut www.strassen.gr.ch.

Retrospectiva
Pervia da las fermas precipitaziuns èn terratsch e crappa sa distatgads en il decurs da glindesdi, ils 11 da december 2023, sur la via chantunala tranter Razén e Giuvaulta. Quest material è per part arrivà fin sin la via chantunala. Per motivs da segirezza è la via chantunala tranter las funtaunas d'aua minerala da Razén e l'ovra electrica sin l'autezza da Giuvaulta previsiblamain serrada fin mesemna saira, ils 13 da december 2023, a las 17.00.

Fotografia agiuntada:

Lavurs da rumida

Infurmaziuns:

Gion Hagmann, schef Mantegniment da las vias, Uffizi da construcziun bassa dal Grischun, tel. +41 81 257 37 35 (cuntanschibel da las 12.00 fin las 13.30), e‑mail Gion.Hagmann@tba.gr.ch

Responsabladad: Uffizi da construcziun bassa