Il december 2023 ha il chantun Grischun registrà 1276 persunas dischoccupadas. Quai correspunda ad ina quota da dischoccupaziun da 1,2 pertschient. Envers il mais precedent cun 1248 persunas dischoccupadas è il dumber da dischoccupads s'augmentà minimalmain. Ultra da quai èn vegnidas registradas 838 persunas che tschertgan ina plazza che n'èn betg dischoccupadas.

Tar las persunas che tschertgan ina plazza che n'èn betg dischoccupadas appartegnan las persunas che sa participeschan a mesiras da furmaziun supplementara e d'occupaziun u che obtegnan in gudogn intermediar sco er las persunas che fan mo diever dals servetschs d'intermediaziun dals centers regiunals d'intermediaziun da lavur (CIL).

Sch'ins adescha il dumber da las persunas dischoccupadas cun quel da las persunas che tschertgan ina plazza che n'èn betg dischoccupadas, resulta il dumber da las persunas che tschertgan ina plazza. Il december 2023 èn vegnidas registradas 2114 persunas che tschertgan ina plazza. Envers il mais precedent cun 2101 persunas che tschertgan ina plazza n'è quest dumber strusch sa midà.

La statistica detagliada dal martgà da lavur chattais Vus sin la pagina d'internet da l'uffizi per industria, mastergn e lavur.

Responsabladad: uffizi per industria, mastergn e lavur