L'anteriur president dal Cussegl naziunal Martin Candinas ha regalà al Cussegl grond ina vopna grischuna tut speziala. Quella ornescha ussa ina paraid en il foyer da l'edifizi dal Cussegl grond.

L'onn passà ha la Svizra festivà il giubileum da 175 onns Constituziun federala svizra. A chaschun da quest giubileum ha l'anteriur president dal Cussegl naziunal Martin Candinas envidà l'atun passà tut las presidentas ed ils presidents dals 26 parlaments chantunals e dals 59 parlaments communals, ch'èn represchentads cun ina vopna communala en la sala dal Cussegl naziunal, en la Chasa federala.

Cun questa chaschun ha Candinas regalà a las vischnancas ed als chantuns preschents ina reproducziun da lur vopna che ornescha la fatschada dal sid da la Chasa federala (vopna chantunala) respectivamain che circumdescha la sala dal Cussegl naziunal (vopna communala). La vopna grischuna ch'il president dal Cussegl grond Franz Sepp Caluori ha retschavì, ha ussa survegnì ina plazza onuraivla en il foyer da l'edifizi dal Cussegl grond.

Fotografia agiuntada:

Surdada da la vopna chantunala da Martin Candinas a Franz Sepp Caluori

Infurmaziuns:

President dal Cussegl grond Franz Sepp Caluori, tel. +41 79 159 93 88

Responsabladad: Cussegl grond