Ina delegaziun dal Cussegl grond dal chantun Appenzell Dadens ha visità oz durant la sessiun da zercladur 2024 il Cussegl grond dal Grischun.

La delegaziun da set persunas da l'Appenzell Dadens è vegnida manada dal president dal Cussegl grond Albert Manser. El è vegnì accumpagnà dal vicepresident Albert Sutter e da commembras e commembers dal biro dal Cussegl grond dal chantun Appenzell Dadens.

Ils giasts dal chantun Appenzell Dadens èn vegnids beneventads dal president dal Cussegl grond Franz Sepp Caluori e da la vicepresidenta dal Cussegl grond, Silvia Hofmann. Plinavant èn stads participads a l'inscunter represchentantas e represchentants da las fracziuns dal Cussegl grond dal Grischun. L'avantmezdi ha la delegaziun assistì a las tractativas currentas en l'edifizi dal Cussegl grond. Suenter è in gentar cuminaivel stà sin il program. Il suentermezdi è vegnida purschida ina visita guidada tras il Museum da la natira dal Grischun.

Las visitas d'auters parlaments servan al barat d'experientschas sco er a la tgira da las relaziuns amicablas. Questas scuntradas cun persunas directivas amias da parlaments chantunals han lieu ina fin duas giadas l'onn.

Fotografias agiuntadas:

Infurmaziuns:

Patrick Barandun, manader dal Secretariat dal Cussegl grond, Chanzlia chantunala, tel. +41 81 257 22 32, e‑mail Patrick.Barandun@staka.gr.ch