Ina delegaziun da la direcziun dal parlament chantunal da Turitg ha visità oz durant la sessiun d'october 2024 il Cussegl grond dal Grischun.

La delegaziun da Turitg è vegnida manada dal president dal parlament chantunal Jürg Sulser. El è vegnì accumpagnà da commembras e commembers da la direcziun dal parlament chantunal da Turitg.

Ils giasts dal chantun Turitg èn vegnids beneventads da la presidenta dal Cussegl grond Silvia Hofmann e da la vicepresidenta dal Cussegl grond Valérie Favre Accola. Plinavant eran participads a l'inscunter presidentas e presidents da las fracziuns dal Cussegl grond dal Grischun. L'avantmezdi ha la delegaziun assistì a las tractativas currentas en l'edifizi dal Cussegl grond. Suenter è in gentar cuminaivel stà sin il program. Il suentermezdi è vegnida purschida ina visita guidada tras il Museum retic.

Las visitas d'auters parlaments servan al barat d'experientschas sco er a la tgira da las relaziuns amicablas. Questas scuntradas cun persunas directivas da parlaments chantunals amis han lieu ina fin duas giadas per onn.

Fotografia agiuntada:

Infurmaziuns:

Patrick Barandun, manader dal Secretariat dal Cussegl grond, Chanzlia chantunala, tel. +41 81 257 22 34, e‑mail Patrick.Barandun@staka.gr.ch

Responsabladad: Chanzlia chantunala dal Grischun / Secretariat dal Cussegl grond