La Regenza ha deliberà la missiva tar la revisiun parziala da la Lescha da taglia per mauns dal Cussegl grond. Ultra da quai ha ella concedì contribuziuns chantunalas per proveder la regiun Plessur cun bindel ultralad sco er per renovar l'edifizi dal plazzal naval dal Club da bartgas a vela San Murezzan.
Deliberà la missiva tar la revisiun parziala da la Lescha da taglia
La
Regenza ha deliberà la missiva tar la revisiun parziala da la Lescha da taglia
per il chantun Grischun. Cun quella duai vegnir fatga l'adattaziun formala al
dretg fiscal federal armonisà ch'è stringent. En detagl pertutga la revisiun
parziala la liberaziun da la taglia da las prestaziuns transitoricas per
persunas dischoccupadas pli veglias, il tractament fiscal da sancziuns
finanzialas, adattaziuns sin basa da la refurma dal dretg d'aczias dals 19 da
zercladur 2020 e sin basa da l'introducziun d'ina nova categoria da fonds sco
er la taxaziun da rentas vitalizias e furmas da provediment sumegliantas. Il
dretg fiscal federal armonisà na surlascha als chantuns nagina autonomia
concepziunala. Per quest motiv ha la Regenza desistì da far ina consultaziun.
La missiva tar questa revisiun parziala vegn il Cussegl grond a tractar en la
sessiun da favrer 2025. Ella duai entrar en vigur retroactivamain il 1. da
schaner 2025.
Missiva
La Regenza ha deliberà la missiva tar la revisiun parziala da la Lescha da taglia per il chantun Grischun. Cun quella duai vegnir fatga l'adattaziun formala al dretg fiscal federal armonisà ch'è stringent.
Approvà la revisiun parziala da l'Ordinaziun da deficit
La
Regenza ha approvà l'Ordinaziun davart la finanziaziun dal
deficit da las instituziuns da la furmaziun professiunala e da purschidas da
furmaziun cuntinuanta (Ordinaziun da deficit). Questa revisiun parziala regla
da nov las grondezzas da las classas da las purschidas transitoricas e da las
scolas professiunalas spezialisadas. Pervia dals interess politics ha da nov il
departament (Departament d'educaziun, cultura e protecziun da l'ambient) – e
betg pli l'uffizi (Uffizi per la furmaziun professiunala) – la cumpetenza da
decider davart la midada a pli lunga vista dal lieu da scolaziun d'ina
furmaziun professiunala da basa sco er davart la permissiun da divergenzas da
la grondezza minimala da classas. En l'ordinaziun da deficit repassada vegnan
plinavant er fixadas las premissas per midar da l'instrucziun extrachantunala a
l'instrucziun entaifer il chantun.
La Regenza ha approvà l'Ordinaziun davart la finanziaziun dal deficit da las instituziuns da la furmaziun professiunala e da purschidas da furmaziun cuntinuanta (Ordinaziun da deficit).
Contribuziun chantunala per proveder la regiun Plessur cun bindel ultralad
La
Regenza ha concedì ina contribuziun chantunala cun in import maximal dad
1,84milliuns francs per proveder la regiun Plessur cun bindel ultralad (BUL). Il concept regiunal d'avertura, che las vischnancas han elavurà ed
inoltrà cuminaivlamain al chantun, mussa che la vischnanca da Cuira ha gia in
access adequat a fibras da vaider. Las vischnancas d'Arosa, da Churwalden e da
Tschiertschen n'han però anc betg in provediment suffizient d'infrastructuras
effizientas a bindel ultralad.
In provediment cumpetitiv da las regiuns en il chantun
Grischun cun internet d'auta prestaziun (sveltezzas a bindel lad d'almain 100 Mbit/s simmetric up e download) è decisiv per far avanzar la midada digitala.
La dumonda per colliaziuns sveltas da bindel lad è creschida cuntinuadamain ils
ultims onns, tant tar interpresas sco er tar persunas privatas. Novas
tecnologias ed applicaziuns che dovran bleras datas funcziunan mo cun questas
infrastructuras effizientas. Uschia è in provediment adequat cun internet a
bindel lad da gronda impurtanza per l'attractivitad dal chantun sco lieu per
interpresas e per la qualitad da viver da las abitantas e dals abitants. Ella
segirescha l'access ad infrastructuras digitalas modernas e rinforza uschia las
abilitads futuras dal chantun e da sias regiuns.
La Regenza ha concedì ina contribuziun chantunala cun in import maximal dad 1,84milliuns francs per proveder la regiun Plessur cun bindel ultralad (BUL).
Glisch verda per renovar l'edifizi dal plazzal naval dal Club da bartgas a vela San Murezzan
La
Regenza ha concedì al Club da bartgas a vela San Murezzan ina contribuziun da
maximalmain 200 000 francs or da la finanziaziun speziala Sport per
renovar l'edifizi dal plazzal naval (chasa da club). Ils custs totals dal
project èn budgetads cun var 1,22milliuns francs.
Dapi
l'onn 1941 è il Club da bartgas a vela da San Murezzan collià fermamain cun San Murezzan. El dumbra 226 commembras activas e commembers activs. D'ellas ed els
èn 67 en la vegliadetgna da junioras resp. da juniors. Per che la tradiziun da
navigar a vela possia vegnir mantegnida er per las generaziuns futuras, èsi
indispensabel da sanar l'edifizi che datescha da l'onn 1975. D'ina vart vegni a
dar dapli spazi da deposit per las bartgas dal club, da l'autra vart vegnan
renovads ils indrizs sanitars sco er las gardarobas ed i vegn integrà en
l'edifizi in local da scolaziun per ils curs da giuvenils.
© Hinzer Architektur AG
La Regenza ha concedì al Club da bartgas a vela San Murezzan ina contribuziun da maximalmain 200 000 francs or da la finanziaziun speziala Sport per renovar l'edifizi dal plazzal naval (chasa da club).
Conclus electorals
Per la
perioda d'uffizi 2025 ha la Regenza elegì Brigitte Böniger, administratura
d'immobiglias da l'Uffizi da construcziun auta, sco er Evelyn Pfeifer, economa
per finanzas e participaziuns en il Departament da finanzas e vischnancas, sco
represchentantas dal chantun en la suprastanza da la «Societad cooperativa per
la construcziun d'abitaziuns Piz Ot, Samedan».
Per la
perioda d'uffizi 2025 ha la Regenza elegì Brigitte Böniger, administratura
d'immobiglias da l'Uffizi da construcziun auta, sco er Evelyn Pfeifer, economa
per finanzas e participaziuns en il Departament da finanzas e vischnancas, sco
represchentantas dal chantun en la suprastanza da la «Societad cooperativa per
la construcziun d'abitaziuns Piz Ot, Samedan».
