Il film d'image

En il film dat ina gruppa da Grischunas e Grischuns il gieu «Tabu» e descriva latiers la noziun «chantun Grischun». En l'atmosfera patgifica d'ina stiva vegn preschentà il Grischun en tut sias fassettas: sco lieu da viver fantastic, sco lieu da lavur e sco lieu economic internaziunal, sco center da furmaziun e da perscrutaziun ed er sco cuntrada natirala impressiunanta cun ina flora e fauna ritga.

Med da represchentaziun
Il film da preschentaziun vegn duvrà per la lavur da publicitad ed a chaschun d'occurrenzas dal chantun e sa drizza en emprima lingia als giasts internaziunals, naziunals, chantunals e communals da la Regenza, dal parlament e da l'administraziun. Ultra da quai stat el a disposiziun ad ulteriuras persunas interessadas. El è vegnì realisà e sincronisà en tuttas trais linguas chantunalas. Plinavant èn vegnidas producidas versiuns cun suttitels englais e franzos.

Cordial engraziament
Nus engraziain a tut las interpresas ed instituziuns en il chantun Grischun ch'èn sa participadas al project da film: Segantini Museum (St. Moritz), Theater Chur (Chur), White Turf (St. Moritz), Spengler Cup (Davos), World Economics Forum WEF (Davos), Viamala Besucherzentrum (Thusis), Val Surses – Savognin Bivio Tourismus (Savognin), 7132 Therme (Vals), Schloss Schauenstein (Fürstenau), Tschuggen Grand Hotel (Arosa), Riders Club (Laax), Hotel des Alpes (Flims), Hochalpines Institut Ftan AG (Ftan), Fachhochschule Graubünden (Chur), EMS-CHEMIE AG (Domat/Ems), Hamilton Bonaduz AG (Bonaduz), CEDES AG (Landquart), Swiss Lachs AG (Lostallo).