Daniel Spadin daventa nov secretari dal departament da giustia e polizia. La regenza ha nominà il procuratur public grischun sco successur da Mathias Fässler tar il departament da giustia, segirezza e sanadad. 

Daniel Spadin, che ha 41 onns e che abita a Cuira, cumenza il 1. da fanadur 2013 la plazza da secretari dal departament da giustia e polizia. Tar il departament da giustia, segirezza e sanadad remplazza el Mathias Fässler che la regenza ha elegì l'onn passà sco nov manader da l'uffizi per l'execuziun giudiziala. Suenter il studi da giurisprudenza a Friburg ha Spadin acquistà l'onn 2001 la patenta grischuna d'advocat. Dapi l'onn 2001 lavura el tar la procura publica dal Grischun sco inquisitur resp. sco procuratur public. Dapi l'onn 2011 è el ultra da quai in dals trais pledaders da la procura publica. Tar il militar è Spadin president II da la dretgira militara 7 en il rang d'in litinent colonel. 
 

Infurmaziuns:
cusseglier guvernativ Christian Rathgeb, schef dal departament da giustia, segirezza e sanadad dal Grischun (DGSS), tel. 081 257 25 01
 

Fotografia agiuntada:

Daniel Spadin, il nov secretari dal departament da giustia e polizia tar il DGSS


Gremi: regenza
Funtauna: rg departament da giustia, segirezza e sanadad