1. da matg 2024

In salvament svelt e d'auta qualitad è da gronda impurtanza per il Grischun sco chantun muntagnard cun sias 150 vals e ses abitadis decentrals.

La finamira dal project da lescha qua avant maun è quella da crear cundiziuns generalas, uschia ch'i po vegnir gidà svelt ed optimalmain a mintga persuna ch'è en privel, ch'è malsauna u che ha gì in accident.

Ils ospitals han l'incumbensa da metter a disposiziun in servetsch da salvament sin via effizient en lur regiun da provediment da la sanadad. Per quest intent vegn precisada questa incumbensa. La Regenza duai pudair far ad els prescripziuns areguard l'organisaziun dal servetsch da salvament, sche quai è necessari per pudair garantir in servetsch da salvament effizient. Da nov vegn er reglada l'integraziun da las medias e dals medis che pratitgeschan libramain, en il servetsch d'urgenza.

Oz èn las disposiziuns ch'èn decisivas per ils fatgs da salvament, repartidas sin differents relaschs. En l'avegnir duain ils fatgs da salvament en il chantun dentant vegnir reglads en moda cumplessiva en in'atgna lescha.

Cumenzament: 1. da matg 2024

Fin: 31 da fanadur 2024