Vehichel e manischunz
L'uffizi per il traffic sin via metta a disposiziun 4 servetschs online per fixar termins. Sin ina plattafurma pon ils magisters d'autoscola fixar termins per lur candidatas e candidats, las garaschas pon coordinar lur termins per l'examinaziun dal vehichel e persunas privatas pon sa reservar u spustar online termins per lur examens da manischunz.
L'acziun da numers d'immatriculaziun d'autos e da motos en l'internet As permetta d'ingiantar in numer d'immatriculaziun bass u original u d'acquistar numers d'immatriculaziun tras ina cumpra directae d'empustar directamain Voss numer d'immatriculaziun persunal giavischà (sche avant maun).
La tschertga da possessuras e possessurs da numers d'immatriculaziun d'autos e da motos custa. Perquai èsi necessari da sa registrar ina giada sco er da pajar anticipadamain ina summa cun agid d'ina carta da credit u d'in quint mobil. Suenter po avair lieu la tschertga da possessuras e possessurs da vehichels.
En il Grischun survegnan las possessuras ed ils possessurs da vehichels a motor che chaschunan paucas emissiuns in rabat da 60 pertschient u schizunt dad 80 pertschient sin las taglias da traffic. Qua vegnis Vus a savair dapli davart las premissas.
Via e traffic
La rait da vias dal Grischun cumpiglia 595 km vias principalas ed 833 km vias da colliaziun. Las frequenzas da traffic sin la rait da vias naziunalas e chantunalas vegnan registradas da la confederaziun e dal chantun cun agid da dumbraders automatics.
Qua chattais Vus las ladezzas ed ils pais permess dals vehichels sco er las limitaziuns da l'autezza che valan sin las vias dal Grischun.
Il traffic betg motorisà cumpiglia il traffic da pedunas e peduns, il traffic da velo ed il viandar. Qua pudais Vus er annunziar mancanzas che Vus avais constatà tar ils mussavias u tar il mantegniment da las sendas.
Traffic public
Il chantun e las vischnancas promovan il traffic public da persunas ed il traffic da rauba sin la viafier cun la finamira da proteger l'uman e ses ambient, d'utilisar l'energia en moda spargnusa ed economica e da coordinar il traffic public e privat.