Cussegliaziun per concepir plazzas da pausa
Ina purschida da cussegliaziun per plazzas da pausa che promovan il moviment
La fasa da project dura circa 1,5 fin 2 onns. Suenter in discurs d'infurmaziun vegnan las scolas e las scolinas sustegnidas ed accumpagnadas dal Post spezialisà per la promoziun da la sanadad. La scola definescha ina gruppa da lavur che participescha activamain al process. Suenter la sesida iniziala e l'analisa dals basegns suonda ina inspecziun al lieu ensemen cun ina persuna spezialisada da la planisaziun dal territori. Quella elavura ina skizza da concept ed ina proposta per in preventiv. En la fasa da realisaziun inoltrescha la scola independentamain il preventiv e la dumonda da construcziun.
Gruppa/s en mira
Direcziuns da scola, purtaders da scola ed autoritads da scola
Finamiras dal project
La finamira èsi da promover – cun cussegliar e cun accumpagnar il process – plazzas da pausa attractivas che promovan il moviment.
Cuntegns da la purschida
- Discurs d'infurmaziun e sesida iniziala
- Accumpagnament e cussegliaziun dal project, fin ch'igl è avant maun ina skizza da concept
- Inspecziun al lieu cun ina persuna spezialisada da la planisaziun dal territori
- Surpigliada dals custs per elavurar il concept da maximalmain 3000 francs en collavuraziun cun persunas spezialisadas
Cundiziuns generalas
- Definir il team da lavur che sa declera pront d'accumpagnar activamain il process
- Fasa da realisaziun independenta ed avertura
- Tgirar e mantegnair a lunga vista il stabiliment
Link