L'app simpla e pratica en 15 differentas linguas

Il Post spezialisà per la promoziun da la sanadad sustegna la derasaziun da l'app cun fegls d'infurmaziun gratuits che persunas spezialisadas pon surdar als geniturs. Ultra da quai po il Post spezialisà per la promoziun da la sanadad publitgar occurrenzas e novitads en l'app.

L'app parentu infurmescha geniturs cun uffants tranter 0 e 16 onns en 15 linguas davart temas d'educaziun, da furmaziun e da sanadad. Ina biblioteca voluminusa porscha als geniturs da tut temp cuntegns controllads specificamain. Ils texts èn curts e scrits en lingua simpla. Ils geniturs pon registrar en l'app la vegliadetgna da lur uffants. Suenter survegnan els regularmain texts curts ch'èn adattads a la vegliadetgna dals uffants. L'app è gratuita e senza reclama e po vegnir duvrada da persunas spezialisadas sco sustegn da l'activitad da cussegliaziun.

Gruppa/s en mira

Geniturs cun uffants tranter 0 e 16 onns

Finamiras dal project

Blers geniturs tschertgan respostas a dumondas actualas d'educaziun, da furmaziun u da sanadad sur la tschertga cun Google. La finamira da l'app parentu è quella, che uschè blers geniturs sco pussaivel la dovrian sco emprima funtauna per talas dumondas. Uschia po vegnir garantì, che las respostas èn tematicamain fundadas ed actualas