Fourchette verte Grischun
Il label per in nutriment equilibrà e persistent
Il label «Fourchette verte» stat per in nutriment equilibrà e varià che sa basa sin las recumandaziuns da nutriment svizras. Il label po vegnir acquistà en differentas categorias cun criteris ch'èn mintgamai adattads a la gruppa en mira. Supplementarmain al label «Fourchette verte» exista la distincziun extendida «Fourchette verte – Ama Terra». Quest label certifitgescha – ultra dal nutriment equilibrà – er criteris da persistenza. Il focus vegn mess sin la cumpra persistenta e sin ina planisaziun dals menus intenziunada. Ulteriurs temas sco la concepziun dal spazi u temas pedagogics vegnan medemamain discutads.
Gruppa/s en mira
Structuras dal di cumplementaras a la famiglia, Structuras dal di cumplementaras a la scola / maisas da mezdi, Chasas da persunas attempadas e da tgira
Finamiras dal project
Uffants e giuvenils en canortas da di sco er abitantas ed abitants da centers da senioras e seniors profitan d'in nutriment equilibrà e saun. Ultra da quai optimeschan las instituziuns lur purschida alimentara en il sectur da la persistenza.
Cuntegns da la purschida
- Discurs d'infurmaziun cun ina persuna spezialisada da nutriment davart il proceder, ils criteris e.u.v.
- Accumpagnament tras ina cussegliadra da nutriment durant l'entir process
- Analisa dals plans dals menus e discurs da feedback en il manaschi
- Scolaziun da las collavuraturas e dals collavuraturs en il manaschi
- Infurmaziun dals geniturs en las canortas d'uffants u da las abitantas e dals abitants en ils centers da senioras e seniors
- Discurs da finiziun e surdada dal label «Fourchette verte – Ama Terra»
- Mintga 1,5 onns: nova examinaziun dals plans dals menus areguard ils criteris da Fourchette verte tras la cussegliadra da nutriment
Cundiziuns generalas
- Prontezza da la direcziun dal manaschi da reservar resursas persunalas (p.ex. per discurs da cussegliaziun, scolaziun interna)
- Avertadad da las collavuraturas e dals collavuraturs da la cuschina visavi adattaziuns ed optimaziuns
- Mintga 1,5 onns: metter a disposiziun resursas persunalas per recertifitgar il manaschi
Link