Purschida sportiva per giuvenils en las vischnancas
La halla da gimnastica averta è ina purschida da moviment e d'inscunter nunbirocratica ed averta da la promoziun d'uffants e da giuvenils ed ina mesira da prevenziun sin plaun communal u regiunal.
Las hallas da gimnastica stattan a disposiziun als giuvenils durant uras fixas, per il solit durant ils mais d'enviern. L'utilisaziun da la purschida è facultativa e gratuita per ils giuvenils. Ils giuvenils na ston betg s'annunziar ed els pon decider libramain, cura ch'els èn preschents e cura ch'els bandunan la purschida. Las hallas da gimnastica avertas èn libras da drogas.
La halla da gimnastica averta ed ils giuvenils vegnan accumpagnads d'ina persuna spezialisada creschida. Per regla realisescha la lavur da giuventetgna locala il project.
Gruppa/s en mira
Vischnancas, lavur averta cun uffants e cun giuvenils, uniuns, giuvenils
Finamiras dal project
La sanadad fisica e psichica dals giuvenils vegn rinforzada.
Ils basegns dals giuvenils vegnan prendids serius.
Las vischnancas, ils posts per la lavur cun giuvenils ed ulteriuras organisaziuns engrondeschan lur purschida communala u regiunala concernent la promoziun da giuvenils.
Cuntegns da la purschida
- Cussegliaziun e sustegn da las instituziuns purtadras
- Contribuziuns da sustegn a las instituziuns purtadras tras il Post spezialisà per la promoziun da la sanadad
- Inscunter da barat per ils purschiders
- Mintga onn furmaziuns supplementaras
Cundiziuns generalas
- Realisaziun da la purschida senza drogas
- Il project sa drizza a giuvenils che abitan en la vischnanca u en la regiun
- Il project è nunbirocratic e gratuit per las participantas ed ils participants
- Il project vegn accumpagnà d'ina persuna da referiment creschida
- La halla da gimnastica averta vegn organisada almain tschintg giadas durant la stagiun (durant l'onn da scola)
- Il project vegn confinanzià da la vischnanca/da l'instituziun responsabla u da terzas persunas
- Las dumondas d'assicuranza èn scleridas cun l'instituziun responsabla
Downloads
Links